27 декабрга ўтар кечаси Россиянинг Украинага берган зарбалари туфайли Полшанинг Жешув ва Люблин шаҳарларидаги аэропортлар фаолияти вақтинча тўхтатилган.

“Россия ҳужумлари сабаб Полша ҳаво ҳудудида мамлакат ҳарбий НАТЎдаги иттифоқчилар кўмагида фаолият олиб борди. Бу чоралар профилактик (олдини олувчи) характерга эга бўлган, Полша чегарасининг бузилиши қайд этилмаган”, – дея баёнот берди Полша Қуролли кучлари.

Варшава Россия Полша–Украина чегараси яқинидаги шаҳарларга зарба берган пайтларда қирувчи самолётларни мунтазам равишда ҳавога кўтаради.

27 декабрга ўтар кечаси Россия армияси Украинага дрон ва ракеталар билан комбинациялашган ҳужум уюштирди. Украина президенти Володимир Зеленскийнинг сўзларига кўра, ҳужумда қарийб 500 та дрон ва 40 та ракета, жумладан гипертовушли “Кинжал”лар қўлланган. Россия ҳужумининг асосий нишонлари Киев шаҳри ва Киев вилояти бўлган. Ҳужум оқибатида камида 1 киши ҳалок бўлган, ўнлаб инсонлар жароҳатланган.

• Аэропорт
• Полша
• Россия
• Украина
• hujum