Қўшма Штатлар бир партиявий давлатга айланиши ва радикал сўл сиёсатчиларнинг ноқонуний иммиграцияни маъқуллаши туфайли демократияни йўқотиши мумкин.

Илон Маск Хъдаги саҳифасида шундай фикр билдирди.

“Радикал чап узоқ вақтдан бери кўп сонли ноқонуний (ва баъзи ҳолларда қонуний) муҳожирларни сайловларда ғалаба қозониш ва Американи бир партиявий давлатга айлантириш, ҳақиқий демократияни йўқ қилиш учун ҳийла-найранг ҳукумат дастурларидан фойдаланиб келади. Буни қанча кўп кўрсангиз, солиқ пулларингиз нимага кетаётганидан шунчалик даҳшатга тушасиз ва бу жараён қандай қилиб тўхтатилса, қандай қилиб овоз беришингиз мумкин”, – деб ёзади тадбиркор.

Маскнинг фикрича, худди шундай вазият Европа, Буюк Британия, Канада, Австралия ва Янги Зеландияда ҳам кузатилмоқда.

АҚШ президенти Доналд Трамп президентликка келишидан олдин 25 миллионга яқин одам ноқонуний равишда мамлакатга кирганини бир неча бор таъкидлаган ва иммиграция сиёсатини янада қатъийлаштириш тарафдори бўлган. Инаугурациядан сўнг Америка етакчиси АҚШ-Мексика чегарасида фавқулодда ҳолат эълон қилиш ҳақидаги фармонни имзолади. Трамп Америка тарихидаги ҳужжатсиз муҳожирларни депортация қилиш бўйича энг йирик операцияни ўтказиш ниятида эканлигини маълум қилди. Трампнинг сиёсий рақиблари унинг маъмуриятини муҳожирларга нисбатан ҳаддан ташқари қаттиқ чоралар кўраётганликда айбламоқда.

• АҚШ
• Ilon_Mask
• Миграция
• Сиёсат