Жорий ҳафта охирига бориб Фарғона водийси вилоятларидаги газ қувурларида табиий газ босимининг кўтарилиши кутилмоқда. Бу ҳақда Энергетика вазирлиги маълум қилди.
Шу боис, маҳаллий ҳокимликлар билан келишилган ҳолда, автомобилларга газ тўлдириш компрессор шохобчаларида (АГТКШ) газ босимининг кўтарилишига қараб, уларнинг фаолияти босқичма-босқич тикланиши режалаштирилмоқда.
Аввалроқ, газ босими пасайган кунларда биринчи навбатда аҳоли ва ижтимоий соҳа объектларини электр энергияси ва табиий газ билан бир маромда таъминлаш зарурлиги сабабли АГТКШ фаолиятига мажбурий чекловлар киритилган эди.
Қайд этилишича, қувурларда газ босимини бир меъёрга келтириш ва ушбу меъёрни сақлаб туриш учун газ тўлдириш шохобчалари қисқа вақт оралиғида режа-график асосида фаолият юритади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!