10°
Кечаси 3°
АҚШ ва Европа Иттифоқи 2022 йилнинг март ойида Россияга доллар ва евро экспортини тақиқлаган эди. Бироқ, Россия камроқ ҳажмда бўлса ҳам уларни импорт қилишда давом этмоқда. Бу ҳақда Reuters маълум қилди.
Келтирилишича, нақд пулдан баъзи савдо операциялари учун фойдаланиш ҳали-ҳануз анча қулайроқ.
Reuters ахборот агентлиги божхона маълумотларига кўра, 2022 йилнинг март ойидан бери Россияга 2,3 миллиард доллар ва евро келиб тушган.
Илгари ҳеч қаерда учрамаган бу ҳисоб-китоблар Россия нақд пул олиб киришга тўсқинлик қилувчи санкцияларни четлаб ўта олганини кўрсатади.
Россияликлар учун доллар ва евро харид қилиш ва саёҳат қилиш учун зарур бўлиб қолмоқда – ҳатто Москва ўзининг қаттиқ валюталарга қарамлигини камайтиришга интилаётган бир пайтда. Тижорат компаниясидан олинган божхона маълумотлари нақд пул Россияга Россия билан савдога чекловлар қўймаган БАА ва Туркия каби давлатлардан кириб келаётганини кўрсатади.
Эслатиб ўтамиз, АҚШ ҳукумати декабрь ойида Россияга санкцияларни четлаб ўтишга ёрдам берадиган молиявий институтларни жарима билан таҳдид қилган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
