Малум бўлишича, Фарғона вилоятидаги хонадонларнинг бирида эр-хотин маиший муаммолар туфайли жанжаллашиб қолишган ва аёл 2 та фарзанди билан ота уйига кетиб қолган.

Эр фарзанди ва аёлини ўз уйига олиб келиш учун бир неча бор ҳаракат қилган аммо фойда бўлмаган. Бундан ғазабланган эркак спиртли ичимлик ичади ва аёлига телефон қилиб, барча нарсаларини уйдан олиб кетишини, ўзи эса бошқа аёлга уйланиб олишини айтади.

Ўша куннинг ўзида хотини онаси ва акаси билан келади ва нарсаларини йиғиштираётган пайтида жанжал келиб чиқади. Бу пайтда эр аёлининг қорнига ошхона пичоғи билан бир марта уриб, жароҳат етказади.

Шифохонада кўрсатилган муолажалар таъсирида унинг соғиги тикланди. Олиб борилган ҳуқуқий жараёнлардан сўнг икки фарзанднинг отасига ушбу иши учун Фарғона вилояти Данғара туман суди томонидан ҳуқуқий баҳо берилган.

Қайд этилишича, судланувчи Жиноят Кодексининг 104-моддаси 2-қисми “л” банди билан айбдор деб топилиб, унга Жиноят Кодексининг 57-моддаси билан жиноят иши қўзғатилган. Бунинг натижасида унга 3 йил муддатга озодликдан чеклаш жазоси қўлланилиб, суд залининг ўзида қамоққа олинган.

• Фарғона
• ИИБ