Бош прокуратура ҳузуридаги Департаментнинг Қўқон шаҳри бўлими ва ДХХ ходимлари ҳамкорлигида ўтказилган тезкор тадбирда фуқаролар М.К., К.М., А.А. ва М.Ш. келиб чиқиши ҳамда сифатини тасдиқловчи ҳужжатлари бўлмаган умумий баҳоси 381,6 млн сўмлик жами 2 400 қути (24 минг дона флакон) “Амписул” номли дори воситасини Данғара туманида ўтказиш мақсадида олиб кетаётганликлари аниқланиб, ушбу дори воситалари ашёвий далил тариқасида олинган.

Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ахборот хизмати хабар берди.

Мазкур ҳолат юзасидан Жиноят кодексининг 25, 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

• Departament
• Dori
• Фарғона
• Прокуратура
• Qoidabuzarlik