Фарғона вилояти божхона бошқармаси Контрабандага қарши курашиш бўлими ходимлари вилоят ДХХ ва ИИБ ходимлари билан ҳамкорликда Фарғона туманида навбатдаги тезкор тадбир ўтказилган. Тадбир давомида фуқаро бошқарувидаги Lacetti русумли автотранспорт воситаси тезкор кузатувга олиниб, ушбу туман ҳудудида тўхтатилиб белгиланган тартибда холислар иштирокида кўздан кечирилган.

Текширув натижасида эса автомашина салони ва юкхонасида хорижда ишлаб чиқарилган, божхона расмийлаштирувидан ўтганлигини тасдиқловчи ҳужжатлари бўлмаган дастлабки қиймати 900 млн сўмлик жами 44 дона “Ипҳоне 16 Pro Max” русумли уяли алоқа воситалари борлиги аниқланган. Бу ҳақда Фарғона вилояти Бош Бошқармаси хабар берди.

Ҳозирда мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.

• Божхона
• Фарғона
• iPhone