“Ҳудудгаз Фарғона” газ таъминоти филиали комплаенс назорат тузилмалари, “Фарғонашаҳаргаз” газ таъминоти бўлими ва прокуратура ходимларидан иборат ишчи гуруҳ томонидан Фарғона шаҳрида ўтказилган рейд жараёнида табиий газдан ўғринча фойдаланиш ҳолати аниқланган.

Шаҳарнинг “Шакарқишлоқ” МФЙда жойлашган иссиқхона ҳеч қандай ҳужжатларсиз ўзбошимчалик билан табиий газ тармоғига уланиб, “зангори ёқилғи”дан ноқонуний равишда фойдаланиб келгани маълум бўлган.

Бу ҳақда “Ҳудудгазтаъминот” АЖ ахборот хизмати хабар берди.

“Ҳолат юзасидан далолатнома тузилиб, табиий газ сарфи қайта ҳисоб-китоб қилинди ва 1,6 млрд сўмлик зарар аниқланди. Тўпланган барча ҳужжатлар қонуний баҳо бериш учун ҳуқуқни муҳофаза қилувчи органларга юборилди”, – дейилган хабарда.

• Фарғона
• Ҳудудгазтаъминот
• Qoidabuzarlik