Фарғонада оҳак ишлаб чиқариш цехида табиий газдан ноқонуний фойдаланилиши натижасида тизимга 1 миллиард сўмликдан зиёд зарар келтирилгани аниқланди, деб хабар берди Энергетика вазирлиги матбуот хизмати.

Қайд этилишича, Энергетика вазирлиги ҳузуридаги “Ўзэнергоинспекция” томонидан Бош прокуратура ва “Ҳудудгазтаъминот” АЖ билан ҳамкорликда Фарғона вилоятида ўтказилган назорат тадбирларида Данғара туманида истиқомат қилувчи фуқаро Т.А. томонидан табиий газдан ноқонуний фойдаланиш ҳолати аниқланган.

Ўрганиш давомида фуқаро Т.А. ўзига қарашли оҳак ишлаб чиқариш цехининг 1 дона оҳак хумдонида 18 та ностандарт газ ёндиргичлар орқали ўша ҳудуддан ўтувчи ер ости газ қувурига уланиб, табиий газдан ноқонуний фойдаланиб келган.

• Газ
• O'g'irlik