Испаниянинг оммабоп “El Mundo Financiero”, “ГиронаНотиcиэс.cом” va “Диариоя.эс” электрон нашрларида “Ўзбекистон минтақанинг туризм харитасида ўз ўрнини мустаҳкамлади” сарлавҳали мақолалар эълон қилинди, Нашрларда 2025 йилнинг январь-апрель ойларида Ўзбекистонга 3 миллиондан ортиқ чет эл фуқароси туристик мақсадларда келгани, бу рақамлар 2024 йилнинг ушбу даврига нисбатан 46,4 фоизга кўп эканлиги таъкидланган.

Испания ОАВ, шунингдек, Ўзбекистонга жорий йилнинг биринчи тўрт ойи туристлар оқими 987,9 минг кишига ошганини маълум қилган.Испаниядаги медиа нашрлар Ўзбекистонда сайёҳлик va туризм борасида ўзгаришлар бўлаётганини қайд этди

Бу кўрсаткич ўтган йилнинг мос даврига нисбатан 46,4 фоизга кўпдир. Бундай сезиларли динамика республиканинг сайёҳлик маскани сифатида жозибадорлиги тобора ортиб бораётганидан далолат беради.

Материалларда маълум қилинганидек, ушбу даврда Ўзбекистонга энг кўп сайёҳлар Қирғизистон (942 минг киши), Тожикистон (қарийб 794 минг киши), Қозоғистон (617 минг киши) va Россиядан (240 мингдан ортиқ) келган.

“Узоқ хорижий мамлакатлар фуқаролари ҳам Ўзбекистонга саёҳат қилишга катта қизиқиш билдирди. Хусусан, ушбу даврда Туркиядан 49,4 минг, Хитойдан 38,1 минг, Ҳиндистондан 22,6 минг, Италиядан 11,1 минг va бошқа давлатларидан яна 136,8 минг меҳмон Ўзбекистонга келди” – дея урғуланган манбаларда.

Мутахассисларнинг таъкидлашича, сайёҳлар оқимининг барқарор ўсиши Ўзбекистонга маданий, тарихий va гастрономик туризм маркази сифатида қизиқиш ортиб бораётгани билан боғлиқ. Мамлакатда туризм инфратузилмаси, транспорт логистикаси va халқаро реклама фаол ривожланмоқда, деб таъкидланган.

“Мамлакат ҳукумати хорижий сайёҳларни янада кўпроқ жалб қилиш мақсадида виза режимини соддалаштиряпти va ҳаво қатновлари географиясини кенгайтирмоқда. Давлат туризмнинг барқарор ўсишига умид қилмоқда va саноатни барча даражаларда – инфратузилмадан тортиб халқаро имижгача ривожлантиришни қўллаб-қувватламоқда” – деб ёзган Испания О.А.В лари.

• Ispaniya
• Сайёҳ
• Туризм
• саёҳат