Олтиариқ маҳалла ҳудудида яшовчи Ю.Г. исмли аёл ИИБга мурожаат қилиб, унда 2023 йилнинг 27 январь куни номаълум шахс яшаш хонадонига ғайриқонуний равишда кириб, хонадон ётоқхонасидаги жавондан 5 200 АҚШ доллари, 6 млн. 950 минг сўм пуллари ва нархи 22 млн. сўмлик тилла-тақинчоқларини яширин равишда ўғирлаб, ҳодиса жойидан яширинганлигини маълум қилган.

Мазкур ҳолат юзасидан Олтиариқ тумани ИИБ ҳузуридаги тергов бўлими томонидан жиноят кодексининг 169-моддаси 2-қисми «г» банди (ўғирлик) билан жиноят иши қўзғатилган.

Олиб борилган тезкор-суриштирув ишлари давомида, ушбу жиноятни вояга етмаган Х.Г. исмли аёл содир этганлиги аниқланган. Маълум қилинишича, ҳозирда тергов ҳаракатлари олиб борилмоқда.

• Аёллар
• Фарғона
• O'g'irlik