АҚШ президенти Доналд Трамп маъмурияти Пекин билан музокаралар чоғида Хитой импортига 145 фоизлик божларни 50-54 фоизгача камайтиришни режалаштирмоқда. Бу ҳақда The New York Post нашри хабар берди.

Вашингтон келаси ҳафтадан бошлаб Хитойга божларни юмшатиши кутилмоқда. Вашингтон, шунингдек, Жанубий Осиё давлатлари учун божларни 25 фоизгача камайтириш ниятида.

Эслатиб ўтамиз, жорий йилнинг апрель ойи охирида Трамп Хитой товарларига нисбатан жорий қилган божлар жуда юқори эканлигини маълум қилган эди.

“Божлар сезиларли даражада камаяди, лекин улар нолга тушмайди”, - дея изоҳ берди Америка президенти.

Оқ уй раҳбари натижага эришиш учун Хитой билан савдо тўловлари бўйича дўстона музокаралар олиб бориш ниятида эканини қўшимча қилди.

• АҚШ
• Хитой