Бир миллиондан ортиқ одам Филиппиндаги “Кардинг” (халқаро номи - "нору") тўфонидан зарар кўрди, дейилади хабарда.

“Кардинг” тайфуни 25-26 сентябрь кунлари Филиппинга зарар етказди. Илгари у 12 кишининг ҳаётига зомин бўлганлиги, яна 52 киши жароҳат олгани ҳақида хабар берилган эди. Шунингдек, тайфун 911,4 минг кишига таъсир қилгани ҳақида хабар берилган, улар орасида 47,8 минг киши эвакуация марказларига жойлаштирилган, қарийб 60 минг бино ва иншоотларга зарар етказилган, улардан етти мингга яқини бутунлай вайрон қилинган.

Янги ҳисоботга кўра, ҳозирда беш киши бедарак йўқолган ва қарийб 46,5 минг киши ўз уйларини тарк этишга мажбур бўлган, уларнинг бир қисми 26 та эвакуация марказига жойлаштирилган.

Маълумотларга кўра, 734 та аҳоли пунктида ва ўқув муассасаларида дарслар тўхтатилган.

Тайфун натижасида 45 та йўл, 18 та кўприк ва 67 та денгиз порти шикастланган. 117 шаҳарда электр таъминотидаги узилишлар қайд этилган.

43 та инфратузилма обектларига етказилган зарар 304,2 миллион песога (тахминан 5,17 миллион доллар) баҳоланмоқда.

Тайфун 104,5 мингдан ортиқ фермерларга таъсир кўрсатган. Илгари 166,6 минг гектар майдонда ҳосил йўқ қилинганлиги ҳақида хабар берилган эди. Ҳисоботга кўра, қишлоқ хўжалигига етказилган зарар 3,07 миллиард песони (тахминан 52,3 миллион доллар) ташкил этади.

• Филиппин