Жорий йилнинг 5-8 ноябрь кунлари Ўзбекистон ҳудудига совуқ ва нам ҳаво массалари кириб келиши кутилмоқда. Бу ҳақда Гидрометеорология хизмати агентлиги маълум қилмоқда.

Ҳаво ҳарорати аста-секин пасаяди ва 7-8 ноябрда кечалари 0-5 даража илиқни, баъзи жойларда 3 даража совуққачани, кундуз кунлари 5-10 даража илиқни ташкил этади.

Шунингдек, республиканинг айрим ҳудудларида шамол тезлиги 13-18 м/с.гача, шимолда ва чўл ҳудудларда 20-23 м/с.гача кучайиши мумкин. 5-6 ноябрь кунлари республика бўйича вақти-вақти билан ёмғир ёғади, тоғларда қорга айланади, баъзи жойларда кучли бўлади.

“Ўзбекистоннинг тоғолди ва тоғли ҳудудларида 5-7 ноябрь кунлари сел-сув тошқин ҳодисалари юзага келиши мумкин. Республика ҳудуди бўйича ёмғир сувлари тўпланиши эҳтимоли бор, бу эса ҳудудларни сув босишига олиб келиши мумкин”, – дейилади ФВВ хабарида.

• ФВВ
• Ўзгидромет
• Сел