"Катта йигирматалик" етакчилари Индонезиянинг Бали оролида ўтказилган саммитни якунладилар. Давлат раҳбарлари ва сиёсатчилар саммит доирасида Украина можароси, дунёдаги вазият, Полша ҳудудига ракеталарнинг келиб тушиши масалаларини муҳокама қилишди.

Россия Ташқи ишлар вазири Сергей Лавров якуний декларация "аксилроссия манифести" бўлмагани, унинг ҳар бир қисми синчиклаб текширилганини айтиб ўтди.

Якуний протоколга "кўплаб делегациялар Россияни қоралади" жумласи қўшиб қўйилди.

Индонезия президенти Жоко Видодо делегатларни глобал иқтисодиёт ва тараққиёт муаммосининг ечимига эътибор қаратишга чақирди. Саммитнинг сўнгги сессияси якунлангандан кейин Видодо раисликни Ҳиндистон бош вазири Нарендра Модига топширди.

Ҳиндистон G20 эстафетасини 1 декабрдан қабул қилиб олади.

• G20
• Indoneziya
• Жаҳон
• саммит
• хабар