G7 мамлакатлари Мянмадаги вазиятдан хавотирда, Жануби-Шарқий Осиё давлатлари Ассоциациясининг (ASEAN) ушбу мамлакатда ҳал қилиш бўйича саъй-ҳаракатларини қўллаб-қувватламоқда, дейилади Хиросимадаги саммитда қабул қилинган G7 раҳбарлари баёнотида.

“Биз Мянмадаги хавфсизлик, гуманитар, инсон ҳуқуқлари ва сиёсий соҳадаги ёмонлашаётган вазиятдан чуқур хавотирдамиз ва бу мамлакат халқи билан бирдамлигимизни билдирамиз” – дейилади баёнотда.

“Биз Жануби-Шарқий Осиё давлатлари Ассоциациясининг саъй-ҳаракатларини, шу жумладан, унинг Мянмадаги барча манфаатдор томонлар билан беш бандли ASEAN консенсусини (Мянмадаги инқирозни ҳал қилиш учун) амалга ошириш бўйича давом этаётган ҳамкорлигини қўллаб-қувватлашда давом этмоқдамиз", – дейилади ҳужжатда.

G7 раҳбарлари Мянма ҳарбийларига зўравонликни зудлик билан тўхтатиш, барча сиёсий маҳбуслар ва ноқонуний ушлаб турилганларни озод қилиш, инклюзив ва тинч мулоқот учун муҳит яратиш ва мамлакатни "ҳақиқий демократия йўлига" қайтариш ҳақидаги чақириқларини илгари сурмоқда.

• G7
• Мянма
• Япония