Туркия президенти Ражаб Тоййиб Эрдўған Исроил бош вазири Бинямин Нетаняху фашистлар Германияси раҳбари Адолф Гитлер сингари тўхтатилишини айтди.

“Шуни унутмаслик керакки, эртами-кечми Исроил бир йил давомида содир этган ушбу геноцид учун бадал тўлайди. Биз ҳар қандай ҳолатда ҳам Исроил ҳукуматига қарши туришда давом этамиз ва қолганларни ҳам шунга чорлаймиз. Гитлер инсониятнинг умумий Иттифоқи томонидан тўхтатилгани каби, Нетаняху ва унинг қотилликлари ҳам худди шундай тарзда тўхтатилади”, - деб ёзган Эрдоған ижтимоий тармоқдаги саҳифасида.

7 октябрь куни Яқин Шарқдаги можаро авж олганига бир йил бўлди. Ҳозирги вақтда Исроил тўртта давлатга – Фаластин, Ливан, Сурия ва Яманга ҳужум қилмоқда.

• Adolf Gitler
• Binyamin Netanyaxu
• Эрдоған
• Туркия