Маълумотларга кўра, Грециянинг энг йирик журналистлар уюшмаси – Афина кундалик газета муҳаррирлари иттифоқи (ESIEA) барча медиа секторларида 24 соатлик иш ташлаш эълон қилди. Бу ҳақда “Anadolu” агентлиги маълум қилди.

Қайд этилишича, умумий иш ташлашни қўллаб-қувватлаган ҳолда, матбуот вакиллари телевидение ва радио орқали янгиликларни кўрсатишни тўхтатди. Ахборот агентликларини ҳам ўз ичига олган иш ташлаш пайтида янгиликлар веб-сайтлари саҳифалари кечиктирилди, газета дўконлари жавонлари бўш қолди, чунки босма оммавий ахборот воситалари ходимлари бугун ишга келмаган.

"Журналистлар ва оммавий ахборот воситалари ходимлари энди меҳнат шароитлари ва жуда паст маошларнинг гарови бўлмаслиги керак", дейилади мамлакатнинг энг йирик журналистлар уюшмаси баёнотида.

Шунингдек, баёнотда ОАВ ходимларининг барча ҳуқуқлари таъминланиши талаб этилади.

• Греция
• ish tashlash
• jurnalist