Россиялик хонанда Григорий Лепснинг 23 октябрга белгиланган концерти айрим техник сабабларга кўра қолдирилгани ҳақида хабар берилганди.

Табиат ресурслари вазири маслаҳатчиси Расул Кушербаев шу борада фикр билдирди.

“Россиянинг Украинага босқинини молиявий қўллаб-қувватлаётган Григорий Лепснинг Тошкентдаги концерти бекор қилинибди. Шахсан мен бу ишдан хурсандман. Чунки Лепснинг концертига билет сотиб олган ҳар бир ўзбекистонлик билвосита қотил, босқинчи рус армиясини молиявий қўллаб-қувватлаган бўларди”, – деб ёзади собиқ депутат.

Шунингдек, сиёсатчи рус қўшиқчисини Украинадаги тинч аҳоли ўлдирилишининг сабабчиларидан деб атаган.

“Айнан Лепс кабиларнинг кўмаги туфайли кеча тунда рус қўшини Львов шаҳрида ухлаб ётган тинч аҳолининг уйларига ҳужум қилиб, кўплаб болалар ва катталарни ўлдирди ва ўлдиришда давом этмоқда. Афсуски, Лепс кабиларнинг концертига кириш яна кўплаб бегуноҳ одамларни ўлдирилишга йўл очиб беради. Шу боис, ақли расо, гуманист ҳар бир инсон бу зулмга қарши чиқа олмаган тақдирда ҳам унга қўшилиш, шерик бўлишдан тийилмоғи лозим”, – деб ёзади Кушербаев.

• Rasul Kusherbayev