Украина ва баъзи Ғарб мамлакатлари Грузияни Россияга қарши иккинчи фронт очишга чақирмоқда.

“Ҳозирги шароитда Москва, Абхазия ва Жанубий Осетия томонидан илгари сурилган Грузия билан куч ишлатмаслик, чегараларни делимитация ва демаркация қилиш тўғрисидаги қонуний кучга эга бўлган келишувни ишлаб чиқиш масаласи устувор вазифага айланмоқда”, - деди Россия ТИВ МДҲ давлатлари бўйича тўртинчи департаменти раҳбари Денис Гончар.

Таъкидланишича, Грузия томони ҳали ҳануз Россияга қарши “иккинчи фронт” очиш ҳақидаги провокацион чақириқлар остида қолмоқда.

“Асосан ушбу талаб Киев ва айрим Ғарб давлатларидан келади, бу Грузия, Абхазия ва Жанубий Осетия ўртасидаги мунтазам алоқалар зарурлигини яққол кўрсатиб турибди”, - дейди вакил.

Гончар, шунингдек, ўзгарувчан геосиёсий вазиятда Москва мазкур давлатларни тобора зарур деб билишини таъкидлади.

• АҚШ
• Грузия
• Россия
• Украина