Аввалроқ, умрага бориш учун менингитга қарши вакцина шарт эмаслиги ҳақида хабарлар тарқалганди.

Саудия Арабистони Қироллиги Соғлиқни сақлаш вазирлиги 2024 йилнинг декабрь ойидан Умра ва Ҳаж амалларини бажариш учун келадиган барча зиёратчиларнинг менингит инфекциясига қарши эмланганлик тўғрисидаги ҳужжати бўлиши шартлигини талаб қилувчи меъёрий ҳужжат чиқарган эди.

Сўнгги пайтларда аҳоли ўртасида ҳамда ижтимоий тармоқларда “Ҳаж ва Умра зиёратларига боришида менингитга қарши вакцина олиш керак дейилган қарор бекор қилинди, энди вакцина олмасдан Умрага борсангиз бўлади”, – деган мазмундаги хабарлар кенг тарқалмоқда.

Санепидқўмита ушбу хабарлар ҳақиқатга тўғри келмаслигини маълум қилмоқда.

Саудия Арабистони Умра ва Ҳаж зиёратларига борувчиларда менингит касаллигига қарши эмланганлик ҳақида ҳужжат бўлиши зарурлигини расман бекор қилмаганлигини қайд этмоқда.

Шунингдек, “Мамлакатимизга юқумли касалликларни четдан кириб келишини олдини олиш ва эпидемиологик барқарорликни сақлаб қолиш мақсадида зиёратчиларни менингитга қарши эмлаш тавсия этилади”, – дейилади Санепидқўмита хабарида.

• Emlash
• Haj
• Умра