Маълумотларга кўра, Бувайдада А.Жавлонов (исмлар шартли) И.Рахимовага онаси Х.Режавалиевани 7.000 АҚШ доллари эвазига “Шейх-777” туристик фирмаси орқали “Ҳаж” зиёратига юборишини айтиб, ундан 4.000 АҚШ доллари олган.

Бундан ташқари, А.Жавлонов У.Егамбердиевга ота-онасини 14.000 АҚШ доллари эвазига ўша туристик фирма орқали “Ҳаж”га юборишини айтиб, 8.200 АҚШ доллари, О.Ахмедовдан 1.000 АҚШ доллари ва Х.Усмоновдан 1.500 АҚШ доллари олган.

Фирибгар 2023 йил 29 май куни ҳуқуқни муҳофаза қилувчи орган ходимлари томонидан ушлангани сабабли “Ҳаж”га жўнатиш учун мазкур фуқаролардан пулларнинг қолган қисмини олишга улгурмаган.

Суд судланувчи, жабрланувчиларнинг кўрсатувларини, тарафларнинг музокара нутқларини, судланувчининг охирги сўзини тинглаб, жиноят иши материалларини ҳар томонлама, тўла ва холисона текшириб чиқиб, судланувчи А.Жавлоновни Жиноят кодексининг 25,168-моддаси 3-қисми “а ва б” бандлари билан айбли деб топиб, қонун санкциясида кўрсатилган жазони тайинлади.

Мутасаддилар “Ҳаж” зиёратига боришни ният қилган фуқароларни туристик фирмаларга алданиб қолмасликга чақирмоқда.

• Фирибгарлик
• Haj
• Жиноят
• Суд