Покистоннинг Лаҳор шаҳрида фавқулодда ҳолат жорий этилиб, мактаблар ёпилган. Бунга сабаб ҳавонинг юқори даражадаги ифлосланганидир. Бу ҳақда “Реутерс” нашри маълум қилмоқда.

Покистоннинг иккинчи йирик Лаҳор шаҳридаги ҳаво ифлосланишининг мисли кўрилмаган даражаси ҳокимиятни якшанба куни фавқулодда чоралар кўришга, шу жумладан уйдан ишлаш мандатларини беришга ва бошланғич мактабларни ёпишга мажбур қилди.

“Фуқароларни уйда қолишга, эшик ва деразаларни ёпишга ва кераксиз саёҳатлардан қочишга чақирилмоқда“, – дейди Панжоб катта вазири Марриюм Аурангзеб матбуот анжуманида.

Қайд этилишича, автомобиль ифлосланишини камайтириш учун офис ходимларининг 50 фоизи уйдан ишлайди.

Шунингдек, анжуманда ушбу ҳолатни Ҳиндистон билан музокараларсиз ҳал қилиб бўлмаслиги айтилган. Эндиликда Ҳиндистон ва Покистон ўртасида ушбу муаммо сабаб музокаралар олиб борилади.

• Havo
• Покистон