Ҳиндистон компаниялари гуруҳи Ўзбекистонда автомобиль ва мотор мойларини ишлаб чиқаришни режалаштирмоқда.

Бу ҳақда Мумбайда Ўзбекистон элчиси Сардор Рустамбаевнинг Ҳиндистоннинг етакчи компаниялари гуруҳи раҳбарлари “Hinduja Group – India” раиси Ашок Ҳиндужа ва “Hinduja Group – Europe” раиси Пракаш Ҳиндужа билан музокараларида сўз юритилди.

Ҳиндистон томони Ўзбекистонда янгиланиш ва модернизация жараёни юқори халқаро рейтингга эга йирик компанияларнинг мамлакат бозорига чиқиши ва самарали шериклик алоқаларини йўлга қўйиши учун мустаҳкам замин яратаётганини таъкидлади. 

Томонлар Ўзбекистонда, хусусан, автотранспорт воситалари ва мотор мойларини ишлаб чиқариш бўйича қўшма лойиҳаларни амалга ошириш масалаларини муҳокама қилдилар.

• Автомобил
• Ҳамкорлик
• Ҳиндистон
• Ўзбекистон