Ҳиндистон армияси Покистон томонидан чегара постларига ўқ узилганини қайд этди.

“Кеча Покистон назорат чизиғи бўйлаб баъзи жойларда ўқ отишни бошлади. Отишмага самарали жавоб берилди”, – дейилади хабарда. Уларнинг таъкидлашича, хавфсизлик кучлари Покистон армиясининг ҳаракатларига “самарали жавоб берган” ва қурбонлар йўқлигини қўшимча қилган.

Отишма Жамму ва Кашмир минтақасидаги Паҳалгам шаҳри ҳудудида сайёҳларга қилинган террористик ҳужумдан бир неча кун ўтиб содир бўлди, ҳужум натижасида 26 киши ҳалок бўлган эди. Бу эса Ҳиндистон ва Покистон ўртасида янги инқирозни келтириб чиқарди. Ҳужум учун жавобгарликни “Иашкар-И-Тайба” террор ташкилоти билан боғлиқ “қаршилик фронти” гуруҳи ўз зиммасига олди.

Бунга жавобан бош вазир Нарендра Моди бошчилигидаги Вазирлар Маҳкамасининг хавфсизлик қўмитаси Ҳиндистон ва Покистон элчихоналари сонини 55 кишидан 30 кишига қисқартиришга, Ҳинд сувлари тўғрисидаги шартномани тўхтатишга ва Вагаҳ — Аттари қуруқлик чегара ўтиш жойини ёпишга қарор қилди.

Ню-Деҳли ушбу назорат пункти орқали кирган покистонликлардан 1 майгача мамлакатни тарк этишни талаб қилди. Бундан ташқари, Ҳиндистон ҳукумати қўшни давлат фуқароларига Жанубий Осиё минтақавий ҳамкорлик Ассоциациясининг (СААРC) визадан озод қилиш тизимига киришни тақиқлади. Буни аллақачон қилганларга Ҳиндистонни тарк этиш учун 48 соат вақт берилди.

• Ҳиндистон
• Отишма
• Покистон
• Уруш