Ҳиндистоннинг Ражастан штатида леопард етти кишини ўлдирди. Йиртқичдан қўрқиш, аҳолини тунги патрулларни ташкил этишга мажбур қилди. Ўткир қуроллар ва таёқлар билан қуролланган одамлар қишлоқ кўчаларини қўриқламоқда.

Ҳозирда Ҳиндистон қуролли кучларининг бир қисми ҳам леопардни қидиришга қўшилди. Аскарларга ҳайвонни зарарсизлантириш вазифаси юклатилган. Қидирувда 10 та гуруҳда 90 дан ортиқ киши иштирок этмоқда.

Леопард қурбонлари 5 ва 16 ёшли икки қиз, 65 ёшли аёл ва руҳоний эди. Яқин атрофда чорва моллари бўлса-да, леопард одамларга ҳужум қилишни афзал кўрган.

• Ҳайвон
• Ҳиндистон
• Жаҳон