Ҳиндистонда мактаби ходимлари иккинчи синф ўқувчисини маросим қурбонлиги сифатида қурбонлик қилишган. Бу ҳақда The Economic Times газетаси хабар берди.

Унга кўра, бу воқеа 22 сентябрь куни Ҳатрас (Уттар-Прадеш) шаҳридаги мактаб ётоқхонасида содир бўлган.

Таълим муассасасига “муваффақият ва шон-шуҳрат” олиб келиш мақсадида беш киши, жумладан мактаб директори, унинг отаси ва уч нафар ўқитувчиси “сеҳрли маросим” пайтида болани бўғиб ўлдирган.

Боланинг жасади унинг синфдошлари ва жиноятга алоқаси бўлмаган ходимлар томонидан топилган. Шу билан бирга, директор нима бўлганини яширишга уриниб, ота-онасига ўғли касал бўлиб қолганини айтган.

Ҳозир ушбу ҳолат юзасидан барча беш айбланувчига нисбатан қотиллик иши қўзғатилган.

Қайд этилишича, аввал ҳам худди шу гуруҳ бошқа болакайни ўлдирмоқчи бўлган, бироқ бунинг уддасидан чиқа олмаган.

• Ҳиндистон
• Мактаб