Махараштра штатида поездда ёнғин содир бўлгани ҳақидаги миш-миш йўловчилар орасида ваҳима уйғотган ва улардан 12 нафари вагонларни тарк этаётган вақтда ёнма-ён кетаётган бошқа бир поезднинг йўналишига чиқиб кетган ва ҳалок бўлган.

Бахтсиз ҳодиса Мумбайдан 400 км узоқликда содир бўлган. “Дастлабки маълумотларга кўра, Pushpak Express вагонларидан бирида чақнашлар пайдо бўлган ва баъзи йўловчилар ваҳимага тушган. Улар фавқулодда тўхташ дастагини тортишган, баъзилари эса рельсларга сакраб тушишган”, – дея изоҳ берган темирйўл маъмурияти.

Шундан сўнг, воқеа жойига авария-қутқарув поезди юборилган. Жалгаон полицияси вакили журналистларга поезд ғилдираклари остида 12 киши ҳалок бўлганлиги ва яна бир неча киши яраланганлиги ҳақида хабар берган.

“Барча штат ҳокимиятлари темир йўл маъмурияти билан келишилган ҳолда ишлайди ва жабрланганларни даволаш учун зарур чоралар кўрилади”, – деган Махараштра штати бош вазири Девендра Фаднавис.

• Halokat
• Ҳиндистон
• Поезд
• yo‘lovchi