Бир кун аввал Ҳиндистоннинг Мумбай шаҳрида кучли ёмғир ва шамол пайтида реклама тахтаси тахминан 30 метр баландликдан ёқилғи қуйиш шохобчаси, яқин атрофдаги уйлар ва тўхтаб турган машиналар устига қулаб тушди. Бу ҳақда “Мир24” хабар берди.

Қайд этилишича, воқеа сабаб саккиз киши ҳалок бўлган, ўнлаб киши эса яраланган. Расмийлар иншоот ноқонуний ўрнатилганини айтмоқда.

Аниқланишича, ҳолат Гҳаткопар туманидаги Чедданагар чорраҳасида юз берган. Миллий офатларга қарши кураш кучлари 57 кишини қутқариб, шифохоналарга етказган.

Ҳокимият жабрланганларнинг яқинларига товон пули тўлайди ва жабрланганларнинг даволаниш харажатларини қоплайди. Шаҳар Мумбайдаги барча реклама тахталарининг лицензияларини текширишни режалаштирмоқда, деб ёзади “Hindustan Times”.

• Ҳиндистон
• реклама