Ҳиндистон ҳукумати мамлакат собиқ бош вазири Манмохан Сингхнинг вафоти муносабати билан етти кунлик мотам эълон қилди. Бу ҳақда Жанубий Осиё республикаси ички ишлар вазирлиги хабар бермоқда. Шунингдек, республика Ички ишлар вазирлиги ушбу муддат давомида расмий кўнгилочар тадбирлар ўтказилмаслигини маълум қилган.

Таъкидланишича, марҳум олий мартабали шахсга ҳурмат белгиси сифатида 2024 йил 26 декабрдан 2025 йил 1 январгача бутун Ҳиндистон бўйлаб етти кунлик миллий мотам эълон қилинади. Бу даврда бутун Ҳиндистон бўйлаб давлат байроғи ярим кўтарилади ва ҳеч қандай расмий кўнгилочар тадбирлар ўтказилмайди.

Расмийлар дафн маросимини давлат даражасида ўтказишга қарор қилишган.

“Ҳиндистоннинг хориждаги барча элчихоналарида дафн маросими куни давлат байроғи ҳам яримга туширилади”, — дейилади мамлакат департаменти хабарида.

Манмохан Сингх 26 декабрь куни 92 ёшида тез ёрдам бўлимида вафот этди, у ўз уйидан ҳушсиз ҳолда олиб келинган. Шифокорларнинг таъкидлашича, Сингх кекса одамларга хос бўлган бир қатор касалликлардан азият чекган.

Манмоҳан Сингх Ҳиндистоннинг энг қадимги сиёсий партияси - Ҳиндистон Миллий Конгрессининг аъзоси эди. У кетма-кет икки муддат - 2004 йилнинг майидан 2014 йилнинг майигача бош вазир лавозимида ишлаган.

• Ҳиндистон