Ижтимоий тармоқларда Тошкент вилоятининг Оққўрғон туманида ИИБ ходими телефондаги суҳбат чоғида номақбул сўзлар айтгани қайд этилган аудиоёзув тарқалиб, муҳокамаларга сабаб бўлмоқда. Ҳолат юзасидан ИИББ матбуот хизмати раҳбари Бобур Тўлаганов изоҳ берди.

Қайд этилишича, мазкур ҳолат ИИББ томонидан ўрганилган ва маълум бўлишича аудио ёзув тегишли экани айтилаётган фуқаро, 1992 йилда туғилган А.Сулаймонов, 2022 йилда Оққўрғон тумани ИИБ профилактика инспектори лавозимига қабул қилинган.

Тўлагановнинг таъкидлашича, ёш ходим кўп ўтмай хизмат фаолияти давомида ўзини салбий томондан кўрсатганлиги ва ноўрин хатти-ҳаракатлари сабабли жорий йил 30 август куни ички ишлар органларидан бўшатилган.

Ҳозирда хабарда кўрсатилган “аудио ёзув” аслида кимга тегишли эканини аниқлашга қаратилган экспертиза ва суриштирув ишлари ўтказилмоқда.

“Шу ўринда ҳурматли фуқароларимизга, хабардаги ҳолат Прокуратура томонидан назоратга олинганлигини, тўлиқ ўрганилиб қонуний чора кўрилишини маълум қиламиз”, – дейилади хабарда.

• ИИББ
• Suhbatdosh
• Telefon