Грузия Европа Иттифоқи талабига биноан хорижий агентлар ва оилавий қадриятларни ҳимоя қилиш тўғрисидаги қонунни бекор қилмайдиган бўлди. Бунга асосий сабаб сифатида иттифоқ томонидан грузинларга визасиз режимни бекор қилиш билан таҳдид қилинган.

Шунингдек, Европа дипломатияси раҳбари ЛГБТ ҳуқуқларини тўлиқ ҳимоя қилишни таъминлаш учун амалдаги инсон ҳуқуқлари бўйича ҳаракатлар режасини ўзгартиришни талаб қилди.

“Оғзаки равишда улар бизга маълум муддатни белгилашди. Аммо бундай қисқа вақт ичида иккита катта қонунни бекор қилиш мушкул” – деди маҳаллий депутатлардан бири.

Европа дипломатияси раҳбари Кая Каллас ўз навбатида Грузия ҳокимиятига ультиматум қўйганини маълум қилди. Унинг сўзларига кўра, Европа Иттифоқи бугун расмий Тбилисига “Грузия бажариши керак бўлган муайян шартларни” кўрсатадиган хат юборади.

“Агар ушбу шартлар белгиланган муддатда бажарилмаса, визасиз режимни тўхтатиб қўйишдан бошқа илож қолмайди” – деб таъкидлади Каллас хоним.

• Грузия
• Евроиттифоқ
• Еврокомиссия
• Yevropa Ittifoqi