Bloomberg хабарига кўра, америкалик миллиардер Илон Маскнинг X ва xAI компаниялари Apple’нинг OpenAI’га тегишли ChatGPT’ини iPhone’ларда ягона интеграциялашган чат-бот сифатида жорий қилганига қарши чиққан.

Маскнинг ҳуқуқшунослари даъвосида, Apple’нинг бу қарори рақобатни ва сунъий интеллект соҳасидаги инновацияларни чеклаши ҳамда фойдаланувчиларнинг танлов имкониятларини йўққа чиқариб, уларга зарар етказиши билдирилган. Илон Маскнинг компаниялари миллиардлаб доллар миқдорида компенсация талаб қилмоқда.

OpenAI вакили Bloomberg’га берган изоҳида, ушбу даъво “Маск томонидан олиб борилаётган доимий босим сиёсатининг бир қисми” эканини айтган. Apple эса ҳозирча бунга изоҳ бермаган.

• Apple
• Bloomberg
• ChatGBT
• Ilon_Mask
• Суд