Доналд Трамп АҚШ Федерал кенгашининг аъзоси ва Марказий банк раиси Лиза Кукнинг ишдан бўшатилишини эълон қилди. Кук хоним эса, Трамп бундай ваколатларга эга эмаслигини ва у лавозимидан кетмаслигини айтмоқда.

Душанба куни кечқурун АҚШ президенти ўзининг “Truth Social” ижтимоий тармоғида Лиза Кукга йўллаган мактубини эълон қилди ва ипотека кредитларини олинишида берилган ёлғон маълумотлар сабабли уни дарҳол банк бошқарувчилар кенгашидан чиқариб юборишга қарор қилганини ёзди. Президент МБ раисини лавозимидан четлаштиришга имкон берадиган ваколатли органларга мурожаат қилди.

“Мен сизларга Лиза Кукни лавозимидан четлаштириш учун етарли сабаблар бор деган хулосага келдим” - деб таъкидлаган Трамп.

Кук бунга жавобан Трамп уни ишдан бўшатиш ҳуқуқига эга эмаслигини ва истеъфога чиқмаслигини айтди.

"Президент мени гўёки “яхши сабабларга кўра” ишдан бўшатаётгандай. Аммо қонунларимиз бўйича бундай асослар унда мавжуд эмас ва бундай қилиш учун Трампда ваколат йўқ” - деди Кук.

Федерал бошқарув кенгашининг етти аъзосидан бири ва ушбу лавозимдаги биринчи афроамерикалик аёл бўлган Лиза Кукни ишдан бўшатиш тўғрисидаги қарор АҚШ Марказий банкининг 111 йиллик тарихидаги мисли кўрилмаган катта хато деб баҳоланмоқда.

• АҚШ
• Конгресс
• Президент
• Трамп