Инвестициялар ва Хитойнинг улуши, сўнгги уч йилда Хитой инвестицияларининг:

50 фоизи маҳаллий саноатга;

12 фоизи йирик саноатга;

11 фоизи ёқилғи-энергетика соҳасига;

4 фоизи қишлоқ хўжалигига йўналтирилган.

Бу Хитой инвестициялари асосан ишлаб чиқариш ва экспорт салоҳиятини оширишга қаратилганини кўрсатади.

Ер масаласи:

Ўзбекистон Ер кодекси бўйича, хорижий инвесторларга ер сотилмайди, балки узоғи билан 25 йилга ижарага берилади. Шунинг учун “Хитойликлар Ўзбекистон ерларини эгаллаб олмоқда” деган даъволар асоссиздир.

Қишлоқ хўжалиги ва саноат

Хитой инвестициялари қишлоқ хўжалигида атиги 4 фоизини ташкил этади ва улар асосан кам ҳосилдорликка эга ерларни ўрганиб, самарадорлигини оширишга қаратилган.

Бугунги кунда Ўзбекистонда 7600 дан ортиқ текстиль корхонаси мавжуд бўлиб, улар йилига 123,2 триллион сўмлик маҳсулот ишлаб чиқаради. Улардан атиги 57 таси Хитой капитали иштирокида ташкил этилган, яъни Хитой компаниялари улуши сезиларли эмас.

Энергетика соҳасида муқобил манбаларга инвестициялар киритилмоқда.

Ўзбекистон қайта тикланувчи энергетикани фаол ривожлантирмоқда.

2024 йилда 2,7 ГВт қуёш электр станциялари,

752 МВт шамол электр станциялари,

169 МВт микро ГЕСлар,

1,4 ГВт энергия сақлаш қувватлари ишга туширилиши режалаштирилган.

Ўзбекистонда 9 млрд АҚШ доллари қийматидаги 20 дан ортиқ энергетика лойиҳалари Хитой компаниялари иштирокида амалга оширилмоқда ва уларда асосан маҳаллий мутахассислар ишламоқда.

Жиззахда BYD электромобиль заводи қурилиб, 1500 иш ўрни яратилди. Муҳим энергетика лойиҳалари доирасида 9 млрд долларлик 20 та йирик лойиҳа амалга оширилмоқда.

Хитой инвестициялари Ўзбекистон саноатини ривожлантириш, янги технологияларни жорий этиш ва иш ўринлари яратишга хизмат қилмоқда. Барча келишувлар миллий манфаатлар ҳимоя қилинган ҳолда амалга оширилмоқда.

• Ҳамкорлик
• Инвестиция
• Ўзбекистон
• Хитой