Индонезиянинг Маланг шаҳридаги стадионда юз берган тартибсизликлар натижасида камида 127 киши ҳалок бўлди, 200 га яқин киши жароҳат олган.

“The Guardian” нашри тарқатган маълумотга кўра, ҳалок бўлганлар орасида икки нафар полициячи ҳам бўлган.

Қайд этилишича, тартибсизликлар футбол ўйинида жамоалардан бирининг мағлубиятидан кейин бошланган. Ҳар икки жамоа мухлислари майдонга югуриб чиқишган, улар ўртасида муштлашув келиб чиқди.

Полиция кўздан ёш оқизувчи газ ишлатган. Натижада стадионда ваҳима ва тиқилинч бошланди, дейилади хабарда.

Соғлиқни сақлаш бошқармаси бошлиғи Малангдаги ўлим сабаблари тартибсизлик, улкан оломон ва бўғилиш эканлигини қайд этган. Унинг сўзларига кўра, 120 дан ортиқ киши ҳалок бўлган, жабрланганлар сони аниқланмоқда, уларнинг барчаси шаҳар шифохоналарига юборилган.

• Футбол
• Halokat
• Indoneziya