Болалар ўлимига алоқадор бўлган фирманинг бошлиғи ва яна уч нафар амалдори қамоқ жазосига ҳукм қилинган. Ушбу ҳолатда айбдор деб топилган шахслар икки йиллик қамоқ жазосига ҳукм қилинди ва 1 миллиард Индонезия рупияси (63 056 АҚШ доллар) миқдорида жаримага тортилди.

“Афи Фарма” фирмаси ортиқча миқдорда заҳарли моддалар бўлган йўтал сиропларини ишлаб чиқаришда айбланган. Прокурорлар “Афи Фарма” бош директори Ариеф Прасетя Харахапни тўққиз йилгача, қолган айбланувчиларни эса етти йилдан қамоқ жазосига ҳукм қилишни сўраган эди.
Прокурорнинг таъкидлашича, 2021 йилнинг октябридан 2022 йилнинг февралига қадар компания йўталга қарши сиропга икки партия пропилен гликол моддасини қўшган.

Бу партияларда 96% дан 99% гача этилен гликол бўлган. Ушбу моддалар эритувчиларга қўшимча сифатида ишлатилиши мумкин. Пропилен гликол токсик бўлмаган ва дори-дармонлар, косметика ва озиқ-овқатда кенг қўлланиладиган бўлса-да, этилен гликол заҳарли бўлиб, бўёқ, қалам ва тормоз суюқлигида ишлатилади.
Прокурорларнинг таъкидлашича, компания йўтал сиропида ишлатиладиган ингредиентларни синовдан ўтказмаган ва бунинг ўрнига етказиб берувчининг сифат ва хавфсизлик сертификатларига таянган.

Индонезиянинг дори воситаларини тартибга солувчи органи дори ишлаб чиқарувчилардан ингредиентларни қаттиқ синовдан ўтказишни талаб қилмаган, дея интервью берган Афи Фарманинг адвокати ББС нашрига.
Бу ҳолат бутун дунё бўйлаб доридан заҳарланишдан кўпайган бир вақтда содир бўлди. 2022 йилдан бери 200 дан ортиқ индонезиялик беш ёшдан ошмаган болалар, заҳарланган йўтал сиропи туфайли буйрак етишмовчилигидан вафот этган. Гамбия ва Ўзбекистонда 100 га яқин ўлим қайд этилган.

Жаҳон соғлиқни сақлаш ташкилоти (ЖССТ) Ҳиндистон ва Индонезияда ишлаб чиқарилган олтита йўтал сиропи ҳақида огоҳлантирди.

• Dok-1 Maks
• Dori
• Заҳарланиш