Испания Ла Лигаси раҳбари Хавьер Тебас Жаҳон чемпионатини ҳар икки йилда ўтказиш ғоясини танқид қилди.

“Ҳар икки йилда бир марта жаҳон чемпионати бўлмайди. Нима бўлиши мумкин, Инфантино футболни иккита конфедерацияга бўлган президент сифатида тарихга киради. У UEFA ва CONMEBOL’ни дунёнинг қолган қисмидан ажратиш устида ишламоқда”, – дейди Тебас.

Унинг фикрига кўра, Европа ва Жанубий Америкада спорт индустрияси шундай суръатда ривожланганки, FIFA президенти ҳоҳлагани учун ҳар икки йилда бир марта жаҳон чемпионати ўтказиш билан уни синдириш мумкин эмас.

Шунингдек, Ла Лига раҳбарига кўра Жанни Инфантино коррупция учун жазоланиши керак бўлган баъзи федерацияларга маблағ бера олиши учун даромадини ошириб боришини таъкидлаган.

Қайд этиш мумкин, FIFA президенти ҳар икки йилда бир марта жаҳон чемпионати ўтказилишни истайди, лекин футболчиларга клублар ва лигалар томонидан маош тўланади. Табиийки, клубларнинг расмийлари футболчининг терма жамоа ихтиёрида жароҳат олишидан қўрқади.

• FIFA
• Футбол
• Ла Лига