“Оқ бўрилар” ғалаба эвазига қанча очко қўлга киритгани маълум бўлди.

Осиё кубоги 2-туридан ўрин олган Ўзбекистон — Ҳиндистон (3:0) учрашувида ғалаба қозонган ҳамюртларимиз ФИФА рейтингида 12.58 очкони қўлга киритди ва икки поғона юқорилаб, 66-ўринга кўтарилиб олди.

Ҳиндистон эса шунча очко бой бериб, етти поғона пастлади ва 112-ўринга тушиб кетди.

Сречко Катанец шогирдлари 3-турни Австралияга қарши ўтказади. Мазкур ўйиндаги ғалаба вакилларимизга ФИФА рейтингида қўшимча 23.86 очкони тақдим этади. Дуранг ҳам жамоамизга 6.36 баллни кафолатлайди. Мағлубият эса 11.14 очкодан жудо қилади.

Эслатиб ўтамиз, Ўзбекистон — Австралия учрашуви 23 январь куни Тошкент вақти билан 16:30 да бошланади.

• FIFA
• Футбол
• Жаҳон кубоги
• Осиё Чемпионати