Саудиянинг “Ал-Ҳилол” ҳамда Ўзбекистоннинг “Навбаҳор” клублари Осиё чемпионлар лигасининг 1-тур учрашувида дурранг ўйнади. Ар-Риёддаги “Қирол Фаҳд” стадионида кечган учрашув 1:1 ҳисобида якунланди.

“Навбаҳор” сафида 52-дақиқада Тома Табатадзе “Ал-Ҳилол” дарвозасига гол киритди.

Саудия Арабистони жамоаси ҳужумчиси Неймар “Навбаҳор”га қарши ўйиннинг 60-дақиқасида, “Навбаҳор” футболчиларидан бири билан можарога учради. Бразилиялик рақибини атайин туртиб юборди ва йиқилиб тушганда унга қарата тўп тепди.

Учрашувнинг бош ҳаками бразилияликга ушбу қоидабузарлиги учун сариқ карточка кўрсатди.

Саудия Арабистони таркибида Малком, Неймар ва Александр Митрович ўйнаган. Ўйиннинг 90 дақиқаси Ўзбекистон фойдасига ҳал бўлаётган эди, бироқ ҳакам яна 14 дақиқа қўшиб берди. Унинг бу қарори ижтимоий тармоқларда кескин танқидларга учради ва кулги остига олинди.

“Ал-Ҳилол” 100-дақиқагача мағлуб бўлаётганди, бироқ Али Ал-Булайҳий гол уриб, жамоасини мағлубиятдан қутқариб қолди.

Жавоб ўйини жорий йилнинг 28 ноябрь куни Ўзбекистонда бўлиб ўтади.

• Al-Hilol
• Навбаҳор