АҚШнинг Иорданиядаги ҳарбий базасида самолётлар сони кескин ошди. Тасвирлар 20 февраль куни сунъий йўлдошдан олинган. Маълумотларга кўра, АҚШ авиация гуруҳининг жойлаштирилиши Муваффақ Салти ҳарбий базасида қайд этилган.

“Иордания марказидаги база АҚШ ҳарбийлари томонидан Эронга эҳтимолий зарбаларни режалаштиришнинг асосий марказига айланди”, – дея хабар берган “Тhе New York Times”. Сунъий йўлдош тасвирларида 60 дан ортиқ самолётни кўриш мумкин. Бу кўрсаткич ушбу объектдаги одатий мавжудликдан деярли уч баравар кўп. Бундан ташқари, парвозларни кузатиш маълумотлари таҳлили шуни кўрсатадики, 15 февралдан бери базага камида 68 та транспорт самолёти қўнган. Суратларда, шунингдек, замонавий F-35 қирувчи самолётлари, бир нечта учувчисиз учиш аппаратлари, вертолётлар ва янги ҳаво мудофааси тизимлари кўрсатилган.

Иордания расмийлари эса ускуналарни жойлаштириш Вашингтон билан икки томонлама мудофаа келишуви доирасида амалга оширилаётганини билдирган. 

• АҚШ
• Eron
• Iordaniya
• Samolyot