Испаниянинг Red Eléctrica электр тармоқлари операторининг маълум қилишича, 29 апрель куни Испанияда электр таъминоти 99 фоизга тикланган.

Португалиянинг тармоқ оператори РЕН эса 29 апрель тонгида 89 та подстанциянинг 85 таси тармоққа қайта уланганини билдирган.

Мадрид метроси 29 апрель тонгида ишга тушди, бироқ унинг йўналишларидан бири ҳали ишламаяпти. Барселонада эса учта метро йўналиши ҳали ҳам ёпиқ. Шунингдек, Испанияда шаҳар атрофи ва шаҳарлараро темирйўл қатнови ҳали тўлиқ тикланмаган.

Испания ва Португалияда электр таъминоти 28 апрель куни кундузи узилиб қолган эди. Метро поездлари тўхтади, светофорлар ўчди, телефон алоқаси ва банкоматлар ишламай қолди. Мадрид аэропорти вақтинча фаолиятини тўхтатди, Португалия ва Испаниянинг бошқа аэропортларида эса электр таъминоти узилиши сабабли кўплаб рейслар бекор қилинди. Кенг кўламли узилишга нима сабаб бўлгани ҳали расман эълон қилинмаган.

• Электр энергияси
• Ispaniya
• Португалия