Исроил Ғазода ўт очишни тўхтатиш бўйича ХАМАС билан келишув доирасида 90 нафар фаластинлик маҳбусни озод қилди. Бу ҳақда “Reuters” хабар бермоқда.

Сўнгги маълумотларга кўра, ойналари қорайтирилган иккита автобус Иордан дарёсининг ғарбий соҳилида жойлашган Офер ҳарбий қамоқхонаси ҳудудидан чиқиб кетган. “Тҳе Times of Israel” нашрининг ёзишича, озод этилганларнинг 78 нафари Ғарбий Соҳилдан, 12 нафари эса Шарқий Қуддусдан ҳисобланади. Улар орасида 69 нафар аёл, жумладан, бир нафар вояга етмаган, 8 нафар бола ва 12 нафар нисбатан кичик жиноятлар учун судланган эркаклар бор.

Бир неча соат аввал эса ХАМАС гаровга олинган уч нафар исроиллик: 24 ёшли Роми Гонен, 28 ёшли Эмили Дамари ва 31 ёшли Дорон Штайнбрехерни озод қилган эди. Улар уришаётган томонлар ўртасидаги келишувнинг биринчи босқичини амалга ошириш доирасида Халқаро Қизил Хоч қўмитасига топширилган. Маълумотларга кўра, озод этилган эркаклар ҳарбий ва хавфсизлик кузатуви остида Исроилга олиб кетилган ва уларнинг аҳволини баҳолаш учун тиббий кўрикдан ўтказиш бошланган.

Эслатиб ўтамиз, Исроил ва ХАМАС ўртасидаги келишув шартларига кўра, биринчи босқичда 737 нафар фаластинлик маҳбус озод қилинади. Улардан 296 нафари умрбод қамоқ жазосига ҳукм қилинган. Шу билан бирга, 236 нафар фаластинлик озод этилганидан сўнг дарҳол учинчи давлатларга – “Қатар ёки Туркияга” юборилади.

• Фаластин
• Isroil