Исроил армияси томонидан “Ал-Ақсо шаҳидлари” шифохонаси ҳудудидаги чодирларни бомбардимон қилиши натижасида 11 га яқин фаластинлик жабрланди.

Исроил армиясининг учувчисиз самолётлари чодирларга зарба берган. Бу ҳақда Фаластиннинг WAFA ахборот агентлиги хабар берди.

Ҳозирда Исроил ҳужумидан жабрланганлар, жумладан, болалар ва журналистлар тиббий ёрдам олиш учун касалхонага олиб кетилган.

Қайд этилишича, 2023 йил 7 октябрдан бошлаб Исроилнинг Ғазо секторига ҳужумлари натижасида 41 870 нафар фаластинлик ҳалок бўлган. Улардан 17 мингга яқини болалар, 11 378 нафари аёллардир. Шунингдек, 97 166 киши яраланган.

Хабарларга кўра, минглаб ҳалок бўлганларнинг жасадлари ҳали ҳам вайроналар остида қолмоқда.

• Фаластин
• Isroil
• hujum