Исроил кучлари ишғол остидаги Ғарбий Соҳилда фаластинлик болалар учун мактабни вайрон қилди. Ушбу мактабда бадавийлар жамоасидан болалар ҳам бор эди. Бу ҳақда Фаластин таълим вазирлиги баёнот берди.

Фаластин маъмурияти Исроил хавфсизлик кучларининг ҳаракатларини кескин қоралади.

“Таълим муассасаси бузилиши муносабати билан келаётган янги ўқув йилида бадавийлар жамоаси болалари таълим ололмайди. Ушбу провокацион ҳаракат халқаро ҳуқуқ ва инсон ҳуқуқлари конвенциялари, жумладан, таълим олиш ҳуқуқини ҳимоя қилувчи резолюцияларнинг очиқдан-очиқ бузилганлигини кўрсатади”, – дейилади таълим вазирлиги баёнотида.

Гувоҳларнинг айтишича, Исроил кучлари Айн Самия мактабига рейд уюштирган, шундан сўнг мактаб вайрон қилинган.

Фаластин Таълим вазирлиги томонидан бошқариладиган Айн Самие мактаби 2022 йилда Норвегия қочқинлар кенгаши кўмагида қурилган.

• Isroil