Исроил Бош вазири Нетаняху Ливанда “Ҳизбуллоҳ” билан ўт очишни тўхтатилишини эълон қилди. 

Маълум бўлишича, Ливанда ўт очишни тўхтатиш тўғрисидаги келишув 27 ноябрь куни маҳаллий вақт билан соат 10:00 дан кучга кириши керак.

“Биз Қўшма Штатлар билан келишилган ҳолда ҳарбий ҳаракатлар учун тўлиқ эркинликни сақлаб қоламиз. Агар “Ҳизбуллоҳ” келишувни бузса — қуролланишга, инфратузилма қуришга ёки ракета учиришга ҳаракат қилса – биз зарба берамиз”, — деган Исроил бош вазири Бинямин Нетаняху.

Келишув “Ҳизбуллоҳ”нинг Литани дарёсининг жанубидаги чегара бўйлаб қуролли жангларни тўхтатади ва Исроил қўшинларини Ливан жанубидан олиб чиқиб кетишни талаб қилади.

• Isroil
• Livan
• hujum