Шу билан бирга, Исроил вазирлар маҳкамаси келишувни маъқуллаш бўйича овоз беришни 18 январь оқшомига қолдиргани маълум қилинмоқда.

Исроил хавфсизлик кабинети 16 январь куни келишувга овоз бериш учун йиғилиши керак эди, аммо Доҳадаги музокаралар давомида бўлган тортишувлар шартномани расмий имзолашни бир кунга кечиктирди.

АҚШ расмийси битимнинг бир қисми сифатида озод қилинадиган Фаластинлик маҳбусларнинг якуний рўйхати тўғрисида келишмовчилик борлигини айтган.

Маълум қилинишича, президент Байденнинг яқин Шарқдаги элчиси Брет Макгурк, сайланган президент Трампнинг элчиси Стив Виткофф ва Қатар ва мисрлик воситачилар бу масалани ҳал қилиш учун Доҳада бўлган.

Ушбу битим Доҳада муҳокама қилинишда давом этар экан, Нетаняхунинг ултранатсионалистик коалицион ҳукумат шериклари — Молия вазири Безалел Смотрич ва Миллий хавфсизлик вазири Итамар Бен Гвир битимга қарши овоз беришларини айтишган.

Шартномага кўра, 700 дан ортиқ фаластинлик маҳбуслар, шу жумладан исроилликларни ўлдиришда айбланган ва умрбод қамоқ жазосини ўтаётган 275 га яқин маҳбуслар озод қилинади.

Шартномада Қатар, Миср ва АҚШ шартномани амалга ошириш учун кафил бўлиб хизмат қилиши кўзда тутилган.

• Битим
• Фаластин
• Isroil