Ўзбекистон ташқи ишлар вазирининг ўринбосари Бобур Усмонов Истанбулда Туркий давлатлар ташкилоти бош котиби Кубаничбек Омуралиев билан учрашув ўтказди.

Музокаралар Туркий давлатлар ташкилоти мамлакатлари ташқи ишлар вазирлари ўринбосарларининг навбатдаги Мажлиси доирасида бўлиб ўтди.

Учрашув давомида томонлар ташкилот доирасида кўп томонлама ҳамкорликни кенгайтиришнинг долзарб масалаларини муҳокама қилиб, асосий йўналишлар бўйича амалий ҳамкорликни фаоллаштириш муҳимлигини таъкидладилар. 

Ўзбекистон Президентининг ташкилот саммитларида эълон қилинган ташаббуслари ва таклифларини амалга ошириш масалаларига алоҳида эътибор қаратилди.

• Истанбул
• Tashqi ishlar vazirligi
• Туркий давлатлар ташкилоти