Маълумотларга кўра, Италия шимолидаги гидроелектр стансиясининг турбинаси портлаган. Ҳодиса оқибатида камида тўрт киши ҳалок бўлган. Бу ҳақда BBC хабар берди.
Портлаш Болонья шаҳридан 70 километр узоқликдаги Сувиана кўлидаги сув остида, стансиясининг пастки қаватларида содир бўлган. Биноларни сув босишни бошлаган авария ҳудудида бир неча киши қолиб кетган. Воқеа жойида қутқарувчилар ишламоқда, омон қолганларни қидириш учун сувга шўнғимоқда.
Станцияга эгалик қилувчи компания тўғонга ҳеч қандай шикаст етказилмаганини айтган. Бироқ, ҳозирча энергия ишлаб чиқариш тўхтатилган. Тергов гуруҳи қидирув тугагандан сўнг ва ҳудуд яна хавфсиз ҳолатга қайтгач, портлаш ва ёнғин сабабларини аниқлайди.
Шунингдек, ГЭС жойлашган жойдан 70 километр узоқликда жойлашган Болония шаҳри мери Маттео Лепор воқеани “Италиянинг замонавий тарихидаги энг катта фожиалардан бири” деб атади. Италия бош вазири Жоржа Малоней фавқулодда хизматларга қилган ишлари учун миннатдорлик билдирди ва портлаш ҳақидаги хабарни “қўрқув билан” кузатганини таъкидлади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!