Республикамизда июн ойининг биринчи беш кунлигида асосан ёғингарчиликсиз об-ҳаво бўлиши кутилмоқда. Бу ҳақда “Ўзгидромет” хабар берди.

Маълум қилинишича, фақат айрим тоғолди ва тоғли ҳудудларда 4-5 июн кунлари қисқа муддатли ёмғир ёғиши, момақалдироқ бўлиши мумкин. Ҳарорат кечалари 14-19 даража, кундузи 28-33 даража баъзи жойларда эса 35 даражагача, жанубда ва чўл ҳудудларда 37 даражагача иссиқ бўлади.

Жумладан, 6-10 июн оралиғидаги айрим кунларда қисқа муддатли ёмғир ёғиши, момақалдироқ бўлиши мумкин. Ҳарорат кечалари 14-19, кундузи 28-33, шимолда ва чўл ҳудудларда 35-37 даражагача иссиқ бўлади.

Иккинчи ва учинчи ўн кунликларда ҳарорат асосан кечалари 15-20, кундуз кунлари 33-38, жанубда ва чўл ҳудудларда 40 даражагача иссиқ бўлади. Ойнинг иккинчи ўн кунлигида қисқа муддатли ёмғирлар ёғиши эҳтимоли кўп.

• Об-ҳаво
• Ўзгидромет